Hy hi hi

https://drive.google.com/file/d/13AmprN2yRjQB7PdY_Fm49qV3uk7rdUaF/view?usp=sharing

An Ki
Ogh, my a gar neb unn dama
Benyn yowynk, teg, rych hag a vri;
My a gar hy diwvronn ha titel
Ha hy hanow hy honan hyhi
Mes, ogh ha tru, pandr’a wrama?
Ny garav vy vy an ki!
Hy hi, hy hi, hy hi, hy hi,
Hi hi hy hy honan hyhi
Tanow ha plos yw ha flerek
Hag y fynn ev ow tybri rag li
Awos ow bos teg ha keherek
Ha gwell agesso yn tevri.
Dar! Ke dhe ves ‘gi, ke ‘gi!
Ogh, my a vynn kegi an ki!
Hy hi, hy hi, hy hi, hy hi,
Hi hi hy hy honan hyhi
Demmedhys ov vy gans an dama
Gans hy rychys ha titel ha bri
Mes pubtydh oll yma drama
Gans hy hi hy hy honan hyhi.
Ogh ha tru, dar, pandr’a wrama?
Ny vynnis demmedhi an ki!
Hy hi hy hi, hy hi hy hi
Hi hi hy, hy honan hyhi
Soweth re verwis an dama
Mar drist o yn tevri
Mes tristans yw dres eghenn
Na vydh travydh ragovy
Ma’s- Gast! Ogh, pandra’ wrama? Dar!
Res yw dhymm gwitha an ki!
Hy hi, hy hi, hy hi, hy hi
Hi hi hy, hy honan hyhi
Marow yw lemmyn an venyn
Gans hy thekter ha hwekter ha bri
Yma’n ki na prest ow karma
Hag ow plamya an dra orthiv vy!
Hy hi, hy hi, hy hi hy hi
Hi hi hy, hy honan hyhi
Ha finweydh yw dhe’n drama…
Wel,
Y hallav kara an ki.
Hy hi hy hyhi, hy hi hy hyhi
Hy hi hy, hy hi.hy hyhi.

Leave a Reply

Your email address will not be published. Required fields are marked *